افكار حفل

افكار يمكن تساعد للحفل ...


1) المقدمه:
بعد دخول الطالبات وجلوسهم في مكان الحفل وحضور بقية المعلمات
يكون برنامج الحفل كالتالي
1) لازم يكون الحفل من عمل الخريجات نفسهم
2) تكون طالبه هي المسؤوله عن التقديم لكل فقره يعني زي المذيعه
3) هذه المذيعه تقدم في البدايه تحيه وسلام لفتح الحفل وتقول والان م ايات من الذكر الحكيم مع الطالبله الفلانيه
4) فتتقدم طالبه اخرى من الخريجات وتقرا بعض ايات من القران الكريم
5) تعود المذيعه وتقول الان مع ( كلمة المديرة للخريجات )
6) وتتقدم المديره او الوكيله وتلقي كلمة للخريجات تبارك لهم وتدعو لهم بالنجاح والتوفيق طوال مسيرتهم العلميه وتنصحهم وتنهي كلماتها وتشوفي الخريجات وقفوا و تسمعي تصفيق حاااار من الخريجات
7) تتقدم المذيعه وتول والان مع (كلمة الخريجات )
الخريجات يكونوا رشحوا طالبه تتكلم عنهم غالبا تكون لها قدره في الخطاب ومن المتميزات في الدراسه ويحضروا كلام مرتب وحلو يكتبوه في ورقه وتقوم الطالبه بتقديم الكلمة زفيها عن حبهم لمدرستهم ومعلماتهم وشكرهم ودعواتهم لكل من ساهم في التعليم بس طبعا تكون باسلوب ادبي جميل وراقي ..
وفقط تنتهي الطالبه من الكلمة تسمعي تصفيق حار من المعلمات والطالبات
ينتهي دور الخريجات في التقديم وتتولي امر التقديم مذيعه اخرى من طالبات المراحل الاخرى


:::::::::::::::
:::::::::::::::

2) فقرات اخرى للحفل:

هنا ممكن تضعوا اي فقرات اخرى لبرنامج الحفل وارشح لكم بعض الفقرات والتي ستكون من عمل وتقديم طالبات من المراحل الاخرى اولى او ثانيه .. ويكون اثناء فقرات الحفل بعض الطالبات من المراحل الاخرى معهم سلات بها هدايا بسيطه رمزيه يقوموا يتوزيعها على كل الخريجات ..تكون الهدايا من ادارة المدرسه

وهذه الفقرات ارشحها لكم :




# مشهد فكاهي لحوار بين العلمي والادبي ..

# برنامج تمثيلي حول حوار الحجاب للفتاة ..

# مشهد فكاهي لحال الطالبات في الصف وتصرفهم مع المعلمات ..

# تكريم الاداراه لــ الطالبات المتميزات بـــ (( الطالبه المثاليه , الطالبات الاوائل على الدفعه في الترم الاول , الطالبات المتميزات بنشاطها في الجمعيات الفنيه وتزيين المدرسه , الطالبات المتميزات في الاذاعه المدرسيه , الطالبات المتميزات بمساعدتهم للمعلمات , اذا احدى معلمات مادة معينه تود تكريم طالباتها الحاصلات على تفوق في مادتها ....))


# مشهد عن مستقبل الطالبات العلمي ..


# تكريم الطالبات للمعلمات ..

# فقرة اهدائات ..

# عرض الزي لكل منطقة ..





والان سأشرح كل فقره لتوضيحها


# مشهد فكاهي لحوار بين العلمي والادبي ..
هذا يكون بين طالبتين طالبه تتكلم عن العلمي واخرى تتكلم عن الادبي

صراحه نص المحاوره مش موجود عندي لكن سبق وقراته في الواحه اسألي المشرفات عنه يمكن يقدروا يدلوكي عليه

هو محاورة مضحكه بين القسمين عن ايهم افضل

:::::::::::

# برنامج تمثيلي حول حوار الحجاب للفتاة ..
هذا لنصح البنات انهم يتمسكوا بحجابهم ويكون بين الفكاهي والجدي
يعني يبدأ بتمثيليه عن بنت متبرجه بشكل مضحك تتبع الموضه بجنون فتكون لابسه عبايه مزركشه بسكل مبالغ فيه والمكياج عليها زايد بشكل مضحك وتمشي وهي تتمايل بحيث تضحك الطالبات وتحاولوا تألفوا حوار ان الحجاب يستوقفها ويقول لها هل من صحوة وانظري لحالك بالمراءة وهل ترضين لكي هذا الحال
وتملوا الحوار على اساس يعطي هدف للبنت بالمحافظه على نفسها والتمسك بحجابها وتنهوا الفقره بتشغيل مسجل على شريط اناشيد فيه انشوده تحث على الحجاب

::::::::::::::::::::

# مشهد فكاهي لحال الطالبات في الصف وتصرفهم مع المعلمات ..


حيكون باللغه العامه ويمثل حال المواقف الطريفه في الصف


تضعوا طاولات وكراسي مثلا 6
ويكونوا هناك سته طالبات على كل كرسي يرتدوا الزي المدرسي

وامامهم تضعوا لوحه على انها السبوره وتقوم احدى الطالبات بارتداء زي عادي مثل ملابس المعلمات على اساس انها تمثل دور المعلمه
ويكون المشهد كالتالي

تدخل المعلمه فتلقي السلام فلا يردو الطالبات فتعيد المعلمه السلام فيردوا
وعليييييييييييكممممممممم السلاااااااااااااام ورحممممممممممممممةةةةةةةةة الله وبركااااااااااااااتتتتتتتتتههه هه يعني مررره يطولوا بالرد

وتكملوا المشهد مع مواقف مضحكه تحصل بين المعلمه وطالباتها خلال الصف
مثلا

احدى الطالبات تكون غير ملتزمه بالزي المدرسي او تشمر كم المريول وترتدي الاكسسوارات وفارده شعرها وتتكلم مع الزميله اللي بجانبها شوفي يافلانه مااتدري امس رحت المحل الفلاني واشتريت هذه الاسوره ياسلام ايش منزلي اشياء حلوة
المعلمه تكون بتكتب عالسبوره فتتجه للطالبه و
يحصل حوار بينها وبين المعلمه في نصحها ان هذا لايجوز وانتي في صرح علمي ... ويكون رد الطالبه مضحك وهي طوال الوقت بس تحرك يدها وتلعب باساورها وشعرها وياااي وكذا يعني مدلعه


وطالبه اخرى تكون ناااااااايمه في مكانها تقوم الملعمه تصحيها وتكون الطالبه حاطة كحل اسود يعني انه الهالات السوداء لزوم المشهد

فاول ماتشوفها المعلمه تقول ليش السهر وعلى ايش سهرانه تقوم ترد صديقة البنت كانت تتابع المباره بين الفريق الفلاني والعلاني لانها مررره تحب الفريق الفلاني وعاد البنت النايمه نايمه ماترد بس تقول طيب طيب ابي انام او مثلا بدل ذكر المباره تقول الطالبه سهرانه على الدش والتلفاز و و و
وتقوم المعلمه تنصحها انها الان في الثانويه العامه ولازم تلتفت للنسبه و و و و

وتبدا المعلمه تسأل عن الواجب وتقول لهم افتحوا عالواجب وتبدا تمر بين الطالبات لتراه فبعض الطالبات مثلا اثنين مايكونوا حلوا الواجب فتسألهم ليش فيقولوا اعذار مضحكه عذر اقبح من ذنب فتنصحهم ان الدراسه لهم وهم اللي راح يستفيدوا وهي لو حلوا ولاماحلوا مهي خسرانه و وو و وو


و بعد الواجب تقول ياطالبات احد عمل البحث الفلاني او النشاط الفلاني فيقوا الطالبات اللي عملوه يعطوها اياه فيورق مرتب تجي طالبه تعطيها اياه من ورقه نزعتها من الدفتر ومهي مرتبه مشققه والخط يلا اي كلام ومبقعه وهنا يدور حوار بين المعلمه وهذه الطالبه



وانتوا الفوا حوارات مضحكه وحلوة تمثل حال بعض الطالبات






#مشهد عن مستقبل الطالبات العلمي ..

الطالبات اللاتي سيقوموا بتمثيل المشهد كل طالبة ترتدي لبس مهنه معينه

مثلا
واحده تمثل دور المعلمه
ترتدي تنوره وبلوزة وبيدها دفتر التحضير ولوحة فلين فيها لخيص الدرس
او احلى تكون معلمة رياضيات فيكون بيدها دفتر التحضير ومثلث الرسم الخشبي الكبير والفرجار _ تستعيروه من المعلمه

وواحده طبيبه ترتدي البالطو الابيض ومعها سماعة الطبيب

واخرى ممرضه (يكون كل لسها تنورتها وبلوزتها باللوتن الابيض + البالطو الابيض + القبعة حقت الممرضه + اي اداه للتمريض

واخرى ترتدي زي المحاماة الاسود

واي مهنه اخرى ممكنه في بلادكم

ويصطفوا بجانب بعضهم وتتقدم واحده منهم
مثلا اللتي ترتدي زي التدريس
وتقول انها خريجة ستكمل تعليمها حتى تنال الشهاده في تخصص الرياضيات
وتلتحق بمهنة التدريس
والتي تحبها من صغرها وترى فيها حب العلم والتعليم
وخدمة بلادها
واجر العلم الذي ينتفع به ..


وبعد ان تنهي حديثها تعود لصف الطالبات اللاتي يمثلن المهن الاخرى وتتقدم طالبه اخرى الطبيبه مثلا وبنفس الشيء تقدم نسها وتعود وتاتي الاخرى وهكذا


:::::::::::::::::

# تكريم الطالبات للمعلمات ..

يقوموا طالبات الدفعه كلهم بقسميها الادبي والعلمي بجمع مبلغ من المال لمن ترغب في تكريم معلمتها وتتكفل احدى الطالبات بشراءء هدايا رمزيه للمعلمات مثلا تحفه صغيره ويقوموا بتغليفها واضافة بطاقه صغيره يقوا بكتابتها على كل هديه لكل معلمه
والتكريم طبعا يكون لكللللللل المعلمات دون استثناء ...........


طريقة التكريم في الحفل ....
تتكفل احدى الطالبات الخريجات بالتقديم
ولاتقةل الان نكرم المعلمه الفلانيه
بل تقول صفات المعلمه مثلا ومعلمتنا العزيزه التي علمتنا تضاريس العالم واجوائه ومنتجاته وووووووو المعلمه الفلانيه (تكون معلمة الجغرافيا )
ومثلا يضيفوا خصله تتصف بها المعلمه مثلا حنانها وعطفها فيقول بالاضافه لذكر صفات الماده اللتي تدرسها الام الحنون امنا الثانيه وزي كذا
وكل معلمه يتبعوا نفس الطريقه في التقديم وعندما يذكروا اسم المعلمه تتقدم المعلمه لتاخذ هديتها وخلال تقدمها يكون تصفيق حار من الطالبات

:::::

# فقرة اهدائات ..
تكون مثل برامج الاهداء التي في التلفاز
وهذه يستعد لها من قبل بدء الحفل باسبوع
تقوم المعلمه المشرفه وتذكر لكل المراحل من اولى وثانيه وثالثه اللي حابه تهدي اهداء لاي صديقه لها او لاي معلمه تكتبه في ورقه وتعطيه للمعلمه الفلانيه اللي تون مسؤوله عن جمع الاهدائات
ويتم ترتيب الاهدائات ليوم الحفل

في الحفل

تكون هناك طاوله امامها تجلس طالبتان يعني انهم مذيعات ويبدؤا برنامجهم بكلام مثل كلام المذيعات او حتى يسموا برنامجهم مايطلبه المستمعون ولا المشاهدون
او اهدائات عالهوا

ويبدؤا في القاء الاهدائات بالضبط مثل اسلوب برامج الاهدائات في التلفاز
من فلانه لفلانه
ومن المعلمه الفلانيه لطالبات الخريجات
ومن اخت تهني اخت بتخرجها
ويقرأوا الهدائات اللي وصلتهم البنت الاولى تقرا اهداء تقوم الثانيه تقرا الثاني وترجع الاولى تقرا الاهداء الثالث

وخلال البرنامج هذا حق الاهدائات يقولا والان مع الفاصل الاعلاني

ويكون مشهد مره بسيط مثل دعايات الشامبو ومعاجين الاسنان مشاهد فكاهيه

ويكملوا البرنامج

وممكن اذا احدى الطالبات حابه تهدي لصديقتها عالهوا تتقدم عن المذيعات وتهدي الللي تبي تهديها سواء كانت الهديه باقة ورد او هديه بسيطه

ويستمر البرنامج وكل شوي فاصل اعلاني فكاهيي


::::::::::::::::::

# عرض الزي لكل منطقة ..
يعني تعرضوا الازياء القديمه المعروفه عندكم في كل اماره وزي العروس
وكنوع من الفكاهه ممكن تعرضوا اخر موديلات الموضه وتكون شيء مضحك جدا شعر منفووووش وملابس من الاكياس النايلون و ووو



:::::::::::::::::

ثالثاااااااااااااا : الخاااااااتمه
هنا يكون دق بالدفوف ومرح مع الطالبات ومسابقات خفيفه
مثلا بنتين يغمضوا عيونهم وياكلوا بعض زبادي
او بنتين يغمسوا وجههم بالطحين الدقيق ويشوفوا مين يوصل اول للخاتم
او يربطوا في رجل بنتين بالون واللي تفقعه اول هي الفايزه



انا ترى ماقريت وش مكتوب بس يمكن يعجبكم